Բերման ենթարկվածներից մեկին տեղափոխել են հիվանդանոց

Այս պահին ՀՀ ոստիկանության Երևան քաղաքի վարչության Նոր Նորքի բաժնում են գտնվում լուսադեմին բերման ենթարկված ակտիվիստներից 15-ը: Նրանց թվում է «Ասպարեզ» ակումբի նախագահ Լևոն Բարսեղյանը: Yerkir.am-ի լրագրողն այնտեղից հայտնում է, որ մոտ կես ժամ է` բաժին է մտել պատգամավոր Նիկոլ Փաշինյանը:

Նշենք, որ առավոտյան այստեղ վատացել էր 45-ամյա մի ակտիվիստի ինքնազգացողությունը և նրան շտապօգնության մեքենայով տեղափոխել էին հիվանդանոց. նա ոտքի շրջանում վնասվածք էր ստացել և բողոքում էր սրտի հետ կապված խնդիրներից:

Մինչ այս պահն ակտիվիստներից որևէ մեկը ազատ չի արձակվել:

Ի դեպ, Լևոն Բարսեղյանը հրաժարվել է հարցաքննության ժամանակ պատասխանել հարցերին: