Սահմանադրական բարեփոխումների տեքստը պատրաստ կլինի օգոստոսի վերջին

ՀՀԿ խմբակցության ղեկավար Վահրամ Բաղդասարյանը Yerkir.am-ի հետ զրույցում հայտնեց, որ, ամենայն հավանականությամբ, օգոստոսի վերջին արդեն պատրաստ կլինի սահմանադրական բարեփոխումների վերջնական տեքստի տարբերակը: «Ինձ թվում է արդեն օգոստոսի վերջին ամբողջական տարբերակը պատրաստ կլինի, կգնա նախագահի մոտ, այնուհետև ԱԺ ուղարկելու որոշում կկայացվի»,- ասաց նա:

Պատգամավորը դարձյալ հայտարարեց, որ այս անգամ էլ չի բացառում երկու տեքստի առկայություն: «Այդ ամենը քաղաքական քննարկումների փուլում է»,- ասաց նա:

Դիտարկմանը, թե ՍԴ նախագահը հայտարարել էր, որ սահմանադրական բարեփոխումների միայն մեկ տեքստ է լինելու, Վահրամ Բադասարյանը պատասխանեց. «Նման խոսակցություն չի եղել, դրա որոշողը հանրապետության նախագահն է»:

Նշենք, որ հանրաքվեն տեղի կունենա խոր աշնանը, ամենայն հավանականությամբ` նոյեմբերի վերջին: