Այս պահին Երևանում sett-weather
Փոխարժեքներ 25 10 2025
USD ⚊ $ 383.05
EUR ⚊ € 444.8
RUB ⚊ ₽ 4.7296
GBP ⚊ £ 510.03
GEL ⚊ ₾ 141.19
կարևոր
0 դիտում, 10 տարի առաջ - 2015-06-12 09:43
Իրավական

Սդղի գյոլի գործով այսօր մեղադրանք կառաջադրվի. «ՀԺ»

Սդղի գյոլի գործով այսօր մեղադրանք կառաջադրվի. «ՀԺ»

«Հայկական Ժամանակ»-ի տեղեկություններով, մայիսի 2-ի երեկոյան Գորիսի «Սդղի գյոլում» տեղի ունեցած ծեծկռ­տուքի գործով ձերբակալվածնե­րին՝ Սուրիկ Խաչատրյանի վա­րորդի որդուն՝ Դերենիկ Ղեւոնդյանին եւ Տիգրան Խաչատրյանի ընկերներից մեկին, նախաքննական մարմինը այսօր մեղա­րանք կառաջադրի ՀՀ քրեական օրենսգրքի 113-րդ հոդվածով:

Չի բացառվում, որ նախաքննական մարմինը միջնորդություն ներկայացնի նրանց նկատմամբ որպես խափանման միջոց կա­լանք ընտրելու վերաբերյալ: Նշենք, որ որոշ տեղեկություննե­րով, սույն ձերբակալությունից հետո Տիգրան Խաչատրյանի ընկերներից շատերը, ովքեր մասնակից են եղել միջադեպին, դիմել են փախուստի:

Թերթի տեղե­կություններով, առաջիկայում գործի շրջանակներում կլինեն նոր ձերբակալություններ, որոնց թվում Սյունիքի մարզպետ Աուրիկ Խաչատրյանի որդին՝ Տիգրան Խաչատրյանը, չկա:

Հիշեցնենք, որ Դերենիկ Ղեւոնդյանը եւ Տիգրան Խաչատրյա­նի ընկերը ձերբակալվել են սույն գործով տուժող Մուշեղ Զաքարյանի նկատմամբ ֆիզիկական բռնություն գործադրելու կասկա­ծանքով. նրանց ձերբակալման 72 ժամը լրանում է այսօր:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը