Ռուսաստանը պետք է վերադառնա G8. Գերմանիայի ԱԳՆ ղեկավար

Եվրոպացի քաղաքական գործիչները չեն կարող որևէ շահագրգռվածություն ունենալ այն բանում, որ G8-ը մնա G7, քանի որ միջազգային հանրությունը Ռուսաստանի կարիքն ունի։ Այս մասին ասել է Գերմանիայի ԱԳՆ ղեկավար  Ֆրանկ Վալտեր Շտայնմայերը գերմանական Neue Ostanbrücker Zeitung-ին  հետ զրույցում. հայտնում է РИА Новости-ն։

«Մենք Ռուսաստանի կարիքն ունենք` սառեցված հակամարտությունների լուծման համար՝ ինչպես մեր եվրոպական շրջանում, այնպես էլ Սիրիայում, Իրաքում, Լիբիայում և իրանական միջուկային ծրագրի շուրջ ստեղծված իրավիճակում»,- ասել է նա:

Գերմանիայի արտգործնախարարի խոսեքերով՝ Ռուսաստանին անօգուտ է միայն ճնշել, անհրաժեշտ է երկխոսություն սկսել Ուկրաինայի` Եվրոպայի համար վտանգավոր իրավիճակից դուրս գալու ճանապարհներ որոնելու նպատակով։