Մանուչարյանը չի մասնակցի Պորտուգալիայի հետ խաղին

Հայաստանի ազգային հավաքականի և Եկատերինբուրգի «Ուրալ»-ի հարձակվող Էդգար Մանուչարյանը բաց կթողնի Ռուսաստանի ընթացիկ առաջնության մնացած հանդիպումները: Հարձակվողը չի մասնակցի նաև  հունիսի 13-ին Երևանում կայանալիք Հայաստան-Պորտուգալիա հանդիպմանը:

«Ես մեկ ամիս չեմ մարզվել վնասվածքի պատճառով, ուղեղի թեթև ցնցում էի ստացել: Մարզման ժամանակ  հավանաբար չդիմացա ծանրաբեռնվածությանը, աքիլեսյան գարշապարի շրջանում ցավ զգացի, բայց բժշկին խնդրեցի, որպեսզի ներարկում կատարի, ցանկանում էի օգնել իմ թիմին «Դինամո»-ի դեմ խաղում:Խաղի առաջին մեկ ժամվա ընթացքում  ես ոչինչ չէի զգում, բայց երկրորդ խաղակեսում   ոտքիս շրջանում ցավ զգացի, և մարզչին խնդրեցի փոխարինել ինձ: Երեկ զննում անցա, և բժիշկս հաստատեց, որ աքիլեսյան գարշապարի վնասվածք ունեմ: Բժշկի խոսքերով, միայն մեկ ամսից հետո կկարողանամ մարզվել»,-Մանուչարյանի խոսքերն է մեջբերում Eurofootball.ru-ն: