Ոտքով Ռուսաստան ուղևորվող Գրիշա պապը արդեն մոտ է Մոսկվային

Հայրենական մեծ պատերազմում տարած հաղթանակի 70-ամյակի առիթով և  անհայտ զինվորի շիրիմին ծաղիկներ դնելու համար 76-ամյա թոշակառու Գրիգորի Տեփոյանը որոշել է ոտքով ուղևորվել Մոսկվա: Նա արդեն Մոսկվայից ոչ հեռու է. հայտնում է Вести-ն:

Թոշակառուն նման որոշում է կայացրել դեռևս 1 տարի առաջ, սակայն կինն ու դուստրը թույլ չէին տալիս, և նա ստիպված է եղել խորամանկության գնալ:

Մարտի 22-ին, երբ բոլորը քնել են, նա թաքուն լքել է Երևանի իր տունը և մեկնել ավտոկայան, իսկ այնտեղից ուղևորվել Վրաստան՝ իր հայրական տունը:

Հենց վրացական Ալասթյան գյուղից է նրա հայրը մեկնել ռազմաճակատ: Այնտեղից էլ Գրիշա պապը սկսել է իր ճանապարհը՝ Հարավային Օսիա, Կրասնոդարի, Ռոստովի, Վորոնեժի, Տուլայի շրջաններ: Օրական նա քայլել է 40-50 կմ, ամեն 2 ժամը մեկ՝ հանգստացել:

Մոսկվայում նրան կդիմավորի հարազատ թոռնիկը:

Մանրամանսերը ՝ տեսանյութում: