Համերգ` «Queen Elizabeth Hall»-ում` Ցեղասպանության 100-րդ տարելիցին նվիրված

Արամ Խաչատրյանի անվան տրիոն հյուրախաղերով հանդես է եկել Գերմանիայում և Մեծ Բրիտանիայի և Հյուսիսային Իռլանդիայի Միացյալ Թագավորությունում: Տրիոյի եվրոպական համերգաշարը նվիրվել է Հայոց ցեղասպանության 100-րդ տարելիցին:

Գլխավոր համերգը, որի կազմակերպիչն էր «ՌՓ Մյուզիքալ Մենեջմենթը», տեղի է ունեցել ապրիլի 13-ին Լոնդոնի ամենահեղինակավոր սրահներից մեկում՝ «Քուին Էլիզաբեթ Հոլի» «Փարսել Ռումում»: Ծրագրում հնչել են Կոմիտասի, Խաչատրյանի, Բաբաջանյանի, Միրզոյանի, Ռախմանինովի, Դոնանիի ստեղծագործությունները:

Խաչատրյանի անվան տրիոյի հետ կատարումներով հանդես են եկել Քլիֆթոն Հարիսոնը (ալտ), Ռոզմարի Թեյլորը (կլարնետ) և Սիմ Փիրսը (գալարափող):

Գերմանիայի Քյոլն և Մյունխեն քաղաքներում Խաչատրյանի անվան տրիոյի կատարմամբ հնչել են նաև Տիգրան Մանսուրյանի ստեղծագործությունները: