Հայաստանի առաջնություն. «Ուլիս»-ը պարտվեց «Բանանց»-ին

Ֆուտբոլի Հայաստանի Բարձրագույն խմբի առաջնության   23-րդ տուրում գործող չեմպիոն  «Բանանց»-ը սեփական հարկի տակ 3 անպատասխան գնդակ ուղարկեց «Ուլիս»-ի դարպասը: Տանտերերի կազմում աչքի ընկան Նաիրի Մինասյանն (9’) ու ,  Վալտեր Պողոսյանը (18’, 75’):

Զուգահեռաբար ընթացող խաղում «Շիրակ»-ը Գյումրիում 4:0 հաշվով հաղթեց ետնապահ «Արարատ»-ին: Գյումրեցիների կազմում դուբլի հեղինակ դարձավ Ժան-Ժակ Բուգուհին (24',72'): Մեկական անգամ էլ աչքի ընկան Գոռ Մալաքյանն (38') ու Միլոշ Ստամենկովիչը (49'): Հավելենք, որ Բուգուհին խփած 2 գոլերից հետո ռմբարկուների պայքարում հավասարվեց «Փյունիկ»-ի մեքսիկացի հարձակվող Սեզար Ռոմերոյին: Այս հաղթանակից հետո «Շիրակ»-ը միավորների քանակը հասցնելով 49-ի բարձրացավ 2-րդ հորիզոնական` «Ուլիս»-ից առաջ անցնելով 3 միավորով: Սակայն Չախալյանի թիմը մեկ խաղ պակաս է անցկացրել: