Ճանապարհները փակ են, ձեռնարկվում են անվտանգության աննախադեպ միջոցառումներ

Այսօր առավոտյան ուղիղ ժամը 7-ին փակվել են Ծիծեռնակաբերդ տանող ճանապարհները: Մինչև ժամը 7-ը մեծ դժվարությամբ են Ծիծեռնակաբերդի տարածք մուտք գործել անգամ հավատարմագրված լրագրողներն ու հեռուստաընկերությունների տեխնիկական անձնակազմը:

Ծիծեռնակաբերդի տարածքում են հազարավոր ոստիկաններ, ձեռնարկվում են անվտանգության արտակարգ միջոցառումներ: Ծիծեռնակաբերդի տարածքում գործող մեդիակենտրոնում աշխատում են նաև միջազգային բազմաթիվ հեղինակավոր լրատվամիջոցների ներկայացուցիչներ:

Նշենք, որ մինչև ժամը 13-ը շարունակվելու է միայն օտարերկրյա պատվիրակությունների այցը անմար կրակի մոտ, որից հետո սկսվի քաղաքացիների քայլերթը: