Հայաստանին կտրամադրվի 150 միլիոն դոլար վարկ

Կառավարության այսօրվա նիստում հավանության արժանացավ Հայաստանի Հանրապետության և Եվրասիական զարգացման բանկի միջև 2015 թվականի ապրիլի 14-ին ստորագրված` «Հյուսիս-հարավ» ավտոճանապարհային միջանցքի շինարարության նախագծի ֆինանսավորման համար Եվրասիական տնտեսական ընկերակցության հակաճգնաժամային հիմնադրամի միջոցներից ներդրումային վարկի տրամադրման մասին» համաձայնագիրը:

ՀՀ տրանսպորտի և կապի նախարար Գագիկ Բեգլարյանը նիստի ընթացքում ասաց, որ սույն համաձայնագրով նախատեսվում է Հայաստանին տրամադրել 150 միլիոն դոլար վարկ՝ Հյուսիս-հարավ ճանապարհային միջանցքի ներդրումային ծրագրի իրականացման շրջանակներում Ագարակից դեպի Քաջարան 20,5 կմ երկարությամբ ճանապարհահատվածի վերակառուցումն իրականացնելու համար:

Նշենք նաև, որ նախագծի ընդունումը պայմանավորված է ««Հյուսիս-հարավ» ավտոճանապարհային միջանցքի շինարարության» նախագծի ֆինանսավորման համար Եվրասիական տնտեսական ընկերակցության հակաճգնաժամային հիմնադրամի միջոցներից ներդրումային վարկի տրամադրման մասին» համաձայնագրին հավանություն տալու անհրաժեշտությամբ: