ԱՄՆ կոնգրեսականը կոչ է արել Օբամային` ճանաչել Հայոց ցեղասպանությունը

ԱՄՆ Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսը կոչ է արել նախագահ Բարաք Օբամային` ճանաչել Հայոց ցեղասպանությունը. տեղեկացնում է Asbarez.com-ը:

Ռոյսը բաց նամակով Օբամային կոչ է արել այս խորհրդանշական տարում ճանաչել Հայոց ցեղասպանությունը:

Նամակում ասվում է. «Ես կոչ եմ անում նախագահ Օբամային` ճանաչել այդ ողբերգական իրադարձությունները, ինչ էլ որ լինեն դրանք,  որպես 20-րդ դարի առաջին ցեղասպանություն:  Ես նաև կոչ եմ անում Թուրքիային` առերեսվել պատմության այդ մութ էջի հետ՝ բուժելու համար երկարատև լարվածությունը մարդկանց միջև,  Հայաստանի հետ հարաբերությունները զարգացնելու ու կայունություն հաստատելու համար»: