ԲՀԿ նախագահը հիշեց նախկին վարչապետ Տիգրան Սարգսյանին

Այսօր ԱԺ-ում քննարկվում է գազի հարցերով ժամանակավոր հանձնաժողովի եզրակացությունը:

ԱԺ ԲՀԿ խմբակցության ղեկավար Նաիրա Զոհրաբյանը նախ հիշեցրեց, որ ժամանակավոր հանձնաժողովը ստեղծվել է, որովհետև երկիրը հանկարծակի հայտնաբերել է, որ կուտակվել է 300 միլիոն դոլարի պարտք, որի մասին տեղյակ չեն եղել ոչ միայն ՀՀ շարքային քաղաքացիները, այլև քաղաքական ուժերը:

Եվ, պատգամավորի խոսքով, այն ժամանակ, երբ քաղաքական ուժերը անընդմեջ հարցնում էին կառավարությանը գազի թանկացման մասին, նախկին վարչապետն ու նախարարները պնդում էին, որ այն չի թանկանալու: Բայց երբ ամեն ինչ բացահայտվեց, նախկին վարչապետ Տիգրան Սարգսյանը ասաց. «Այո, մենք խոսացել ենք բանավոր»:

«Այսինքն` տպավորությունն այնպիսին էր, որ մենք գործ ունենք ոչ թե բանակցություններ վարող կառավարության հետ, այլ ինչ-որ խմբակների հետ, որոնք «սխոդկաների» մակարդակով բան են խոսել, և որի արդյունքում պարզվեց որ հարկատուն պետք է վճարի կուտակված պարտքը»,- ասաց Նաիրա Զոհրաբյանը: