Թուրքիան գաղտնի հրահանգ է ուղարկել` ապրիլի 22-26-ը ուժեղացնել հսկողությունը սահմաններին

Թուրքիայի մաքսային և առևտրի նախարարությունը բոլոր անցակետերին գաղտնի հրահանգ է ուղարկել՝  ապրիլի 22-26-ը ուժեղացնել սահմանային հսկողությունը:

Ըստ Sol.haber-ի՝ մաքսային գլխավոր վարչության պետ Մեհմեդ Հաթիփօղլուի ստորագրությամբ Armenian project 2015 անվան տակ գաղտնի հրահանգ է ուղարկվել բոլոր անցակետերին: Հրահանգում նշվել է, որ ապրիլի 22- 26-ը Պոլսի հասարակական տարբեր կազմակերպություններ, 1915 թվականի կոտորածների հետ կապված, հայկական կողմի տեսանկյունը պաշտպանող միջոցառումներ են իրականացնելու, այդ իսկ պատճառով անցակետերի պատասխանատուներին կոչ են արել այդ ժամանակահատվածում կանխարգելիչ միջոցառումներ իրականացնել սահմանակետերին` հնարավոր բռնությունները կանխելու համար: