«Իմ որդին պիտի հայ լինի». «Ակօս»-ը Հայոց ցեղասպանության մասին ֆիլմեր կներկայացնի

«Ակօս»-ն այսուհետ կներկայացնի Հայոց ցեղասպանության մասին պատմող ֆիլմեր, որոնցից առաջինը Հակոբ Գուտսուզյանի «Իմ որդին պիտի հայ լինի»-ն է:

«Ակօս»-ի հաղորդմամբ` Հայոց ցեղասպանության փաստաթղթերի մեջ թե' իր պատմությամբ, թե' բովանդակությամբ ամենաթանկ արժեքներից համարվող «Իմ որդին պիտի հայ լինի»-ն կամուրջ է դառնում անցյալից ներկա և ներկայից ապագայի համար:

 2004 թվականին Հակոբ Գուտսուզյանի կողմից Կանադայում նկարահանված ֆիլմում ներկայացնում է Ցեղասպանությունից փրկված մոնրեալցի հինգ տղամարդու և կնոջ ճանապարհորդությունը դեպի պապենական հողեր, նրանք գնում են իրենց ինքնության և անցյալի հետքերով:

Ֆիլմը ներկայացնում է նաև, թե Ցեղասպանությունից առաջ հայերն ինչպես են ապրել գյուղերում, այնուհետև` Սիրիայում` դեպի Դեյր Զոր ձգվող ճանապարհորդությունն ու խոսում տարիքով մեծ մարդկանց  և նրանց ընտանիքների հետ պատահածի մասին:

Ֆիլմը, բացի արխիվային լուսանկարներից, ներկայացնում է նաև Ցեղասպանությունից փրկվելուց հետո ԱՄՆ գաղթած հայի վկայություններ:

80 րոպեանոց ֆրանսերեն ֆիլմն անգլերեն տարբերակակով դիտելու համար այցելեք այստեղ: