ՌԴ-ում Նժդեհի արձանը տեղադրելու մասին որոշումը հիստերիա է բարձրացրել Բաքվում

Ադրբեջանի Միլի մեջլիսի առաջին փոխխոսնակ Զիյաֆեթ Ասքերովը Ռուսաստանի ղեկավարությանն ու ժողովրդին կոչ է արել թույլ չտալ Գարեգին Նժդեհի արձանի տեղադրումը Վլադիմիր քաղաքում. հայտնում է interfax.az-ը:

Այդ մասին Ասքերովը  հայտարարել է ԱՊՀ երկրների միջխորհրդարանական ասամբլեայի շրջանակներում կայացած միջոցառման ժամանակ, որը նվիրված էր Հայրենական մեծ պատերազմում հաղթանակի 70-ամյակին:

Նա նաև բողոքել է, որ Ռուսաստանում տեղի է ունեցել «ֆաշիզմի աջակից» Գարեգին Նժդեհի մասին ֆիլմի ցուցադրությունը, որում նաև ռուս դերասաններ են նկարահանվել: «Մի՞թե Ռուսաստանն ինքն էլ է մոռացել պատմությունը»,- հայտարարել է Ասքերովը: