Թուրքիայում տղա երեխա ցանկացող հայրը 6 ամսական դստերը սպանել է՝ պատերին հարվածելով

Թուրքիայում շարունակվում են անմարդկային սպանությունները: Բեյլիքդուզու շրջանում տղա երեխա ցանկացող հայրը դաժանորեն սպանել է իր 6 ամսական դստերը՝ պատերին հարվածելով:

Ըստ Hurriyet-ի՝ 6 ամիս շարունակ հանցագործը աղջիկ երեխա ծնելու համար մեղադրել է կնոջը: Երեկ «շատ է լացում» ասելով՝ նա երեխային հարվածել է պատերին: Տեսնելով, որ երեխան անշարժ պառկած է գետնին, նա զանգահարել է շտապօգնության, բժիշկները, սակայն, հաստատել են երեխայի մահը: Հանցագործը, սպառնալով կնոջը, ոստիկաններին պատմել է, թե երեխան ընկել է գետնին: Երեխայի հուղարկավորությունից հետո կնոջ քույրը դիմել է ոստիկանության՝ պատմելով ճշմարտությունը: