Արդեն հոգնել եմ, հանգստի գնալու իրավունք չունե՞մ. «Աբովյան» ՔԿՀ-ի նախկին պետ

Արդեն հայտնել ենք, որ ՀՀ արդարադատության նախարար Հովհաննես Մանուկյանի հրամանով «Աբովյան» քրեակատարողական հիմնարկի պետ Արամ Սարգսյանն ազատվել է քրեակատարողական ծառայությունում զբաղեցրած պաշտոնից:

Yerkir.am-ի տեղեկություններով` Սարգսյանն աշխատանքից ազատվել է` իր դիմումի համաձայն, աշխատանքային տարիքը լրանալու պատճառով: «Արդեն հոգնել եմ, 35 տարի է` աշխատում եմ, հանգստի գնալու իրավունք չունե՞մ»,- yerkir.am-ի հետ զրույցում ասաց Սարգսյանը:

Ըստ նրա` իր պաշտոնանկությունը կալանավորներից ոմանց կուրախացնի, իսկ ոմանց էլ կտխրեցնի: Իսկ թե ի՞նչ է պատրաստվում անել թոշակի անցնելուց հետո, կանանց գաղութի արդեն նախկին պետը պատասխանեց, որ ցանկանում է մեկ ամիս հանգստանալ, դրանից հետո նոր մտածել: