Պետք է հաշվի առնել Ղարաբաղի բնակչության կարծիքը. Ուորլիք

ԵԱՀԿ Մինսկի խմբի ամերիկացի համանախագահ Ջեյմս Ուորլիքն АПА-ին հարցազրույց է տվել, որում անդրադարձել է շփման գծում իրավիճակին և այլ հարցերի:

Ուորլիքը դարձյալ կողմերին կոչ է  «հետևել հրադադարի ռեժիմին ու բարենպաստ մթնոլորտ ստեղծել խաղաղ բանակցությունների համար»:

Համանախագահն անդրադարձել է նաև ԼՂՀ-ում  դատապարտված ադրբեջանցի դիվերսանտներին և կոչ արել ազատ արձակել նրանց՝ նշելով, որ դա կարևոր մարդասիրական քայլ կլիներ:

ԼՂՀ իշխանություններին բանակցություններում ներգրավելու մասին հարցին պատասխանելով՝ ամերիկացի համանախագահը ասել է, որ  բանակցային գործընթացում պետք է հաշվի առնվեն Լեռնային Ղարաբաղի բնակչության շահերը:

Ուորլիքը խոսել է նաև նախագահների հերթական հանդիպման նախատեսման մասին: