Լոս Անջելեսում տեղի է ունեցել «Շնորհակալություն Ամերիկա» ցուցահանդեսի բացումը

Մարտի 6-ի երեկոյան, ավելի քան 300 մարդու մասնակցությամբ, Լոս Անջելեսի հանրային կենտրոնական գրադարանում տեղի է ունեցել Արևմտյան Ամերիկայի Հայ Դատի հանձնախմբի նախաձեռնած «Շնորհակալություն Ամերիկա» ցուցահանդեսի բացումը. տեղեկացնում է Asbarez-ը:

Ցուցահանդեսի բացմանը ներկա են եղել նաև պաշտոնյաներ և կազմակերպության ներկայացուցիչներ: Պատվո հյուրերի թվում են եղել 1920-ականների հայտնի դերասան Ջեքի Քուկընի դուստրն ու թոռը:

Ցուցահանդեսը հովանավորել են Լոս Անջելեսի քաղաքապետ Էրիք Կարսեթին, քաղաքապետական խորհրդի անդամ Փոլ Գրիգորյանն ու հանրային գրադարանը:

Միջոցառման բացման ընթացքում ելույթ են ունեցել «Շնորհակալություն Ամերիկա» հանձնախմբի համաատենապետներ Հերիմե Փախանյանցը, իրավաբան Վանա Կիտցյանը, Փոլ Գրիգորյանը, հանրային գրադարանից Ճան Զապոնն ու Մալի Սալըվըն:

Ցուցահանդեսի մեծ մասը հատկացվել է մարդասիրական արշավին: Այն բաց է մինչև ապրիլի 30-ը: