Անահիտ Բախշյանը հանդիպել է իրեն դատի տալ պատրաստվող ուսուցչուհու հետ

Տեղեկացրել էինք, որ Երևանի ավագանու «Բարև Երևան» խմբակցության անդամ Անահիտ Բախշյանը Մոնթե Մելքոնյանի անվան թիվ 11 դպրոցում մի շարք խախտումներ էր հայտնաբերել: Ի պատասխան, թիվ 11 դպրոցի տնօրեն Ռուզաննա Ազիզյանը հերքել էր ամենը` նշելով, որ առաջիկայում պատրաստվում է դատի տալ տիկին Բախշյանին: Ի դեպ, Բախշյանը հայտարարել էր, որ դատարանում պատրաստ է ասել ավելին:

Yerkir.am-ի հետ զրույցում Անահիտ Բախշյանը նշեց, որ այսօր Երևանի քաղաքապետարանի աշխատակազմի կրթության վարչության պետի հետ այցելել է դպրոց՝ ծագած խնդիրների շուրջ տեղում ուսումնասիրություններ կատարելու:

«Այցերը շարունակական բնույթ են կրելու: Մանրամասների մասին կհայտնեմ վերջում, երբ ամբողջական պատկերը պարզ դառնա»,-ասաց նա: