Հիմա զբաղված ենք ցեղասպանության 100-ամյակով. Շմայսը ԲՀԿ-ի ժամանակը չունի

ԱԺ ՀՀԿ խմբակցության պատգամավոր Առաքել Մովսիսյանը Yerkir.am-ի հետ զրույցում, անդրադառնալով ԲՀԿ-ի շուրջ ծավալվող քաղաքական խմորումներին, նշեց, որ իրենք ԲՀԿ-ի վրա կենտրոնանալու ժամանակ չունեն:

«Մենք հիմա զբաղված ենք Ցեղասպանության 100-ամյակով: Մենք էդ ժամանակը չունենք` ԲՀԿ-ի վրա «մուֆթա» վատնելու: Հիմա զբաղված ենք ամբողջովին Հայոց ցեղասպանության 100-ամյակով»,- ասաց պատգամավորը:

Նա մեզ հորդորեց ինչքան հնարավոր է շատ մարդ հավաքել, ովքեր կմասնակցեն «Եռաբլուրում Ցեղասպանության ճանաչման կոչերին»:

«Ինչքան կարող եք` լիքը ժողովուրդ հավաքեք, որ մասնակցեն Եռաբլուրում Ցեղասպանության ճանաչման կոչերին: Էլի եմ ասում՝ մենք հիմա ԲՀԿ-ի ժամանակը չունենք, միայն Ցեղասպանության հարցերով ենք զբաղվում»,- նշեց Առաքել Մովսիսյանը: