Ադրբեջանում բանակի կորուստների մասին տեղեկատվությունը՝ «ռազմական գաղտնիք»

Ադրբեջանական բանակը 2015-ի հունվարի 1-ից մինչև մարտի 8-ը 12 զինվոր է կորցրել, որոնցից 8-ը զոհվել են շփման գծում. հայտնում է Кавказский узел-ը: Այդ մասին հայտնել է Ռազմական հետազոտությունների կասպյան ինստիտուտը (Caspian Defense Studies Institute), որը գլխավորում է ռազմական փորձագետ, վտարանդիության մեջ գտնվող Ջասուր Սումերինլին (2014-ին իշխանությունների ճնշման հետեւանքով լքել է Ադրբեջանը եւ բնակություն հաստատել Եվրոպայում):

Նրա խոսքերով՝ Ադրբեջանի ՊՆ-ն և մյուս ուժային կառույցները, սակայն, աշխատում են տեղեկատվություն չտրամադրել կորուստների մասին՝ պատճառաբանելով, թե դա «ռազմական գաղտնիք» է:

Ըստ փորձագետի՝ երկրի  ԶԼՄ-ներին հրահանգված է տեղեկություններ չտարածել զոհերի մասին` առանց պաշտոնական մարմինների համաձայնության: