Հայկական հարցի հետին պլանում գերպետությունների՝ Թուրքիայի հետ ծածուկ հաշվետվություններն են

Թուրքիայում պատմության միության նոր նախագահ է նշանակվել Գազի համասլարանի գիտությունների թեկնածու, պրոֆեսոր, դոկտոր  Ռեֆիք Թուրքանը. տեղեկացնում է «Ակօս»-ը:

Haberturk-ի հետ զրույցում Թուրքանը Հայոց ցեղասպանության մասին ասել է. «Այս հարցում երևում են միայն Հայաստանն ու Թուրքիան, բայց այդպես չէ: Դրա հետին պլանում գերպետությունների՝ Թուրքիայի հետ ծածուկ հաշվետվություններն են»:

Նշելով, որ հայկական հարցի մասին կարճաժամկետ, միջին և երկարաժամկետ ծրագրեր են նախատեսվում, Թուրքանն ասել է. «Նախ` գիրք է հրատարակվելու, այնուհետև՝ շահագրգիռ եւ այլ երկրների համոզող վավերագրական մի օբյեկտիվ ֆիլմ է նկարահանվելու»:

«Ակօս»-ի հաղորդմամբ՝ երկրում արգելափակվել է նաև Հայոց ցեղասպանության մասին իրազկելու համար բացված և մինչ օրս արված հետազոտությունների մասին տեղեկացնող «Հայկական հարցը» անունով ermenimeselesi.ttk.gov.tr կայքէջը, որում ամփոփվել են 1873-1923 թթ. փաստաթղթերը: