Եթե ավտոս տարել եք, բենզին կլցնեմ վրան ու կվառեմ. բողոքում են տաքսիստները

Այս պահին Հանրապետության հրապարակում հավաքվել են տաքսիների բազմաթիվ վարորդներ` շուրջ 200 մարդ: Նրանք իրենց մեքենաները կայանել են հրապարակի տարածքում, ինչը խոչնդոտում է երթևեկությանը: Երևանի փոխոստիկանապետ Վալերի Օսիպյանը հորդորում է ցուցարարներին` հանել մեքենաները տարածքից, այլապես դրանք կտեղափոխվեն տուգանային հարապարակ: «Եթե ավտոս տարել եք, բենզին կլցնեմ վրան ու կվառեմ»,- սպառնում են վարորդները: 

Նրանք պահանջում են հարկային բեռի թեթևացում և կայանատեղիների համար սահմանված վճարի նվազեցում, որը ամսական սահմանված է 12 հազար դրամ, նախկին՝ 14,5 հազար դրամի փոխարեն: Նրանց բարձրացրած հարցերի թվում է Երևանի և մարզերի միջև տաքսի ծառայության համար սահմանված վճարի չափը: Ուշագրավ է, որ բողոքում են այն դեպքում, երբ Երեւանում աշխատող տաքսիստի եկամուտը մի քանի անգամ ավելի շատ է, քան մարզերում աշխատողներինը: 

Նշենք, որ տաքսիների վարորդների հետ հանդիպման է եկել տրանսպորտի եւ կապի փոխնախարար Արթուր Առաքելյանը:

Տեսանյութը` քիչ անց: