Դավիթ Հարությունյանը չկարողացավ ասել՝ աջ ձեռքը կարո՞ղ է ձախ ձեռքը կտրել

ԱԺ-ում լրագրողները կառավարության աշխատակազմի ղեկավար-նախարար Դավիթ Հարությունյանից հետաքրքվեցին նոր ստեղծվող հակակոռուպցիոն խորհրդի մասին, որը, ընդդիմադիր խմբակցությունների կարծիքով, չի կարող գործել Հովիկ Աբրահամյանի և Գագիկ Խաչատրյանի գլխավորությամբ: «Ես կարծում եմ, որ միայն աշխատանքի արդյունքը ցույց կտա` կգործի՞ այն արդյունավետ, թե՞ ոչ»,- ասաց նա: 

Հարցին ի պատասխան, թե հասարակական-քաղաքական շրջանակներում կարծիք կա, որ Հովիկ Աբրահամյանն ու Գագիկ Խաչատրյանն են թիվ մեկ կոռուպցիոներները, նրանք կարո՞ղ են իրենք իրենց դեմ պայքարել, Հարությունյանը կրկնեց, թե միայն աշխատանքը կարող է ցույց տալ այդ կառույցի արդյունավետետությունը: Լրագրողները պնդեցին. «Աջ ձեռքը կարո՞ղ է ձախ ձեռքը կտրել»: Դավիթ Հարությունյանը պատասխանեց. «Դա կոռեկտ հարց չէ»: