Մի քանի օրից տեղի կունենա Carrefour-ի բացումը

Yerkir.am-ին հայտնի է դարձել, որ Carrefour-ի հայաստանյան մասնաճյուղի բացումը տեղի է ունենալու մարտի 4-ին: Այս մասին Yerkir.am-ին տեղեկացրել է սուպերմարկետի աշխատակիցներից մեկը: Նրա խոսքով` նախատեսվում է բացման շքեղ արարողություն,  և այս պահին ընթանում են նախապատրաստական աշխատանքները:

Carrefour-ը տեղակայված է լինելու «Երևան Մոլ»-ում, մարտի 4-ից աշխատելու են բոլոր բաժինները:

Մինչ պաշտոնական բացումը, մասնավորապես` Ամանորի շեմին, Carrefour-ը սկսել էր Նոր տարվա իրերի վաճառք:

Հիշեցնենք նաև, որ սուպերմարկետի բացման օրը հետաձգվեց մի քանի անգամ: Ավելի վաղ բացման ժամկետ էին նշում 2014-ի ավարտը, հետո բացումը հետաձգվեց  մինչեւ 2015-ի հունվար: Այս անգամ, կարծես, ոչինչ չպիտի խանգարի սուպերմարկետի բացմանը:

Ի դեպ, սուպերմարկերտն արդեն սկսել է հացաբուլկեղենի և թխվածքի փորձնական արտադրությունը: