Ես հիմա կկանչեմ անվտանգության աշխատակիցներին. Գալուստ Սահակյանը զգուշացրեց լրագրողներին

Այսօր ԱԺ-ում բացվել է ժամանակակից գեղանկարչության ցուցահանդես:

Ցուցահանդեսին բացման և ողջույնի խոսքով հանդես եկավ հենց ԱԺ նախագահը, ապա խոսքը փոխանցեց նկարիչներից մեկին: Սակայն մինչ նկարիչը կմոտենար ամբիոնին, լրագրողների ու օպերատորների հոծ բանակը շարժվեց Գալուստ Սահակյանի հետևից՝ նրան ներքաղաքական հարցեր ուղղելու համար, և նկարիչն անգամ չկարողացավ մոտենալ ամբիոնին:

Դա զայրացրեց ԱԺ նախագահ Գալուստ Սահակյանին: «Ես հիմա կկանչեմ անվտանգության աշխատակիցներին, և ձեզ կհեռացնեն այստեղից: Գնացեք, կանգնեք ձեր տեղում և մի' խանգարեք: Ձեր գործը լուսաբանելն է, բայց դուք ոչ թե լուսաբանում եք, այլ մրոտում: Մի՛ մոռացեք, թե ինչի համար եք դուք այստեղ եկել։ Կանգնե՛ք ձեր տեղը եւ ձեր գործով զբաղվեք»,- ասաց նա: