Թուրք երիտասարդը մեքենայով անցել է ընկերուհու վրայից

Անթալիայում 22-ամյա Հյուսնե Ասլանը քրոջ՝ Ջեննեթ Ասլանի և ընկերոջ Շահին Քոչարի հետ երեկոյան լավ ժամանակ է անցկացրել դրսում, սակայն երբ քույրերը մերժել են երիտասարդի՝ նրա տուն գնալու առաջարկը, վեճ է ծագել, որի ժամանակ երիտասարդը հարվածել է ընկերուհուն:

Ըստ Haberturk-ի՝մինչ աղջկա մեքենայի հետևի նստարանին նստած քույրն իջել է մեքենայից՝ օգնություն կանչելու,  երիտասարդը, ընկերուհու մազերը բռնած, մոտ 20 մետր վարել է մեքենան` աղջկան հետեւից քարշ տալով, իսկ երբ նա վայր է ընկել, մեքենայով անցել նրա վրայից:

Հանցագործը ձերբակալվել է:  22-ամյա աղջկա կյանքը փրկել չի հաջողվել:

Նշենք, որ սա Թուրքիայում այս շաբաթվա ընթացքում կնոջ նկատմամբ իրականացված 3-րդ անմարդկային բռնությունն է: