Թուրքիայում 4 ժամը մեկ կին է բռնաբարվում. զեկույց

Թուրքիայում  Մարդու իրավունքների միության հրապարակած զեկույցի համաձայն՝ երկրում յուրաքանչյուր 4 ժամը մեկ կին է բռնաբարվում կամ բռնության ենթարկվում. տեղեկացնում է T24-ը:

Զեկույցի համաձայն՝ Թուրքիայում կանանց 38 տոկոսը տարբեր տարիքում ենթարկվում է ֆիզիկական կամ սեռական բռնության:

Նախորդ տարվա ընթացքում բռնության հետևանքով մահացել է առնվազն 294 կին, իսկ բռնության ենթարկված կանանց 89 տոկոսը չի դիմել կանանց պաշտպանության որևէ կառույցի:

Ըստ «Կանանց դեմ բռնությունը կանխելու ենք» պլատֆորմի ՝ նախորդ տարվա ընթացքում բռնության հետևանքով մահացած 294 կանանց  5-ից 4-ը սպանվել է ատրճանակի կամ կտրող գործիքի միջոցով: Զեկույցի համաձայն՝ ուսյալ կանանց 75 տոկոսն անգամ առնվազն մեկ անգամ ենթարկվել է բռնության:

Իսկ «Կանանց դեմ իրավախախտումներ» զեկույցի համաձայն՝ 2014 թվականին 575 կին` բռնության, 282 կին` թե’ ոտնձգության և թե’ բռնաբարության է ենթարկվել, 257 կին դրա հետևանքով մահացել է:

Մեծ է նաև վերջին 15 տարվա ընթացքում բռնաբարության գործով դատված պետական պաշտոնյաների թիվը: Ըստ զեկույցի՝ 241 ոստիկան, 91 զինվոր, 17 հատուկ թիմի աշխատակից, 15 պաշտպան, 45 պահակ դատվել է բռնաբարության գործով, սակայն ոչ մեկը չի դատապարտվել: