Անկարայի քաղաքապետարանը Հայոց ցեղասպանության մասին գիրք և բրոշյուր կբաժանի

«Գիտակցելով, որ այս տարի, 1915 թվականի իրադարձությունների 100-ամյա տարելիցի կապակցությամբ, Հայկական հարցը կհայտնվի ազգային և միջազգային օրակարգերում, Անկարայի քաղաքապետարնն այդ մասին գիրք և բրոշյուր կբաժանի»,- գրում է թուրքական Haberler-ը:

Ըստ կայքի՝ «Նոր Թուրքիա» հրատարակչության կողմից տպագրված 5 հատորանոց գրքերն ու բրոշյուրները քաղաքապետրանի մամլո և հասարակության հետ կապերի վարչությունը կբաժանի հիմնադրամներին, միություններին, գրադարաններին, հետազոտական կենտրոններին և դպրոցներին:

Վարչության կողմից քաղաքապետարանի մեջլիսին հղված հայտարարությունում նշվել է. «Գրքերը նախատեսված են հատկապես աշակերտների պատմական գիտակցությունը բարձրացնելու, թուրքական մշակույթն ու պատմությունը ներկայացնելու համար»: