Փետրվարի 20-ին` հանրահավաք՝ Ազատության հրապարակում

Այսօր՝ փետրվարի 15-ին, տեղի է ունեցել «Բարգավաճ Հայաստան», ՀԱԿ, «Ժառանգություն» կուսակցությունների առաջնորդներ Գագիկ Ծառուկյանի, Լևոն Տեր-Պետրոսյանի, Րաֆֆի Հովհաննիսյանի հանդիպումը՝ պատվիրակությունների ընդլայնված կազմերով: Հանդիպման ընթացքում քննարկվել է Հայաստանում ստեղծված ներքաղաքական արտակարգ իրավիճակը:

Որոշում է կայացվել փետրվարի 20-ին` ժամը 16:00-ին, Ազատության հրապարակում, «Հավաքների ազատության մասին» ՀՀ օրենքի 26-րդ և 27-րդ հոդվածների համաձայն, հրավիրել շտապ համազգային հավաք՝ ՀՀ քաղաքացիների հետ միասին ստեղծված իրավիճակը հանգուցելու նպատակով որոշում կայացնելու համար:

«Բարգավաճ Հայաստան», ՀԱԿ, «Ժառանգություն» կուսակցությունների համատեղ մամուլի հաղորդագրություն