Կոստան Զարյանի թոռը կժամանի Հայաստան` Ցեղասպանության 100-րդ տարելիցին նվիրված ներկայացմամբ

Ցեղասպանության 100-րդ տարելիցին նվիրված միջոցառումներից անմասն չի մնա նաև Հովհ. Թումանյանի տիկնիկային թատրոնը: Լրագրողների հետ հանդիպման ժամանակ թատրոնի տնօրեն Ռուբեն Բաբայանը հայտնեց, որ թեեւ թատրոնի անձնակազմն ինչ-որ բան չի բեմադրել` հատուկ այդ օրերի հետ կապված, բայց կլինեն ներկայացումներ:

«Ես կողմնակից չեմ տարբեր առիթների կապակցությամբ ծնվող ներկայացումներին: Ներկայացումը, արվեստը, կարծում եմ, պետք է մարդուն լույս բերի և ելք ցույց տա, այլ ոչ թե հուսահատեցնի հանդիսատեսին»,- ասաց Բաբայանը:

Նա տեղեկացրեց նաև, որ օգոստոս ամսին Հայաստան կժամանի Կոստան Զարյանի թոռը` Արամ Զարյանը: Նրա հետ Իտալիայից Հայաստան կգան 15 երաժիշտներ ու դերասաններ, որոնք Զարյանի ստեղծագործությունների հիման վրա գրված մի մեծ ստեղծագործություն կներկայացնեն:

Բաբայանը նշեց նաև, որ ապրիլին կներկայացվի նաև Նարեկ Դուրյանի «Օպերացիա «Նեմեսիս» ներկայացումը: