«Բեթհովեն ու Բախ լսողը չէր կարող համակուրսեցուն սպանել, հետո կախել ու անունն ինքնասպանություն դնել»

Բեթհովեն ու Բախ լսողը չէր կարող իր համակուրսեցուն գիշերով սպանել, իսկ հետո կախել ու անունն ինքնասպանություն դնել. լրագրողների հետ հանդիպման ժամանակ ասաց Հովհ. Թումանյանի տիկնիկային թատրոնի տնօրեն Ռուբեն Բաբայանը` խոսելով Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի սպանության մասին:

Ըստ նրա` նման արարքի դիմողները ոչ մշակութային միջավայրում, ուրիշ արժեքներով են մեծացել, և եթե մշակույթի հետ առնչված լինեին` նման քայլի չէին դիմի:

«Նման քայլի դիմողներին մանկուց դաստիարակել են` ասելով` չխեղճանաս, իսկ սա նշանակում է` ներողամիտ չլինես: Հասարակության մեջ գնալով ավելանում է ագրեսիան, ինչը գալիս է երկխոսության պակասից: Իսկ ի՞նչն է բերում երկխոսության, եթե ոչ` մշակույթը»,- ասաց Բաբայանը: