Ծովազարդցի մեղվաբույծների ընտանիքը զրկվեց ապրուստի միջոցից

Արդեն հայտնել ենք, որ այս գիշեր հրդեհ էր բռնկվել Գեղարքունիքի մարզի Ծովազարդ գյուղում, ինչի հետևանքով այրվել էին Հարութ Հակոբյանին պատկանող խորդանոցի տանիքի փայտյա կառուցատարրերը եւ 25 փեթակ` մեղուներով: Ծխահարման պատճառով սատկել են նաև Հակոբյանին պատկանող 1 խոշոր ու 2 մանր եղջերավոր կենդանիներ, 2 հավ:

Yerkir.am-ի հետ զրույցում Ծովազարդի գյուղապետ Արամ Կատվալյանը հայտնեց, որ դեռևս հայտնի չէ հրդեհի առաջացման պատճառը: Համայնքապետի խոսքով` այս ընտանիքի հիմնական ապրուստի միջոցը մեղվապահությունն էր, և հարևանների օգնությամբ Հակոբյաններին հաջողվել է փրկել միայն փեթակների մի մասը:

Կատվալյանը հայտնեց, որ գյուղապետարանը որոշ չափով օգնություն կտրամադրի այս ընտանիքին, սակայն հնարավորությունները թույլ չեն տա վնասն ամբողջությամբ վերականգնել:

Նշենք, որ դեպքի վայր մեկնած հրշեջ-փրկարարներին հաջողվել է հրդեհը մեկուսացվել է ժամը 04.00-ին, մարել` 05.58-ին: