ՆԱՏՕ-ն կպաշտպանի՞ ՀՀ անվտանգությունը, եթե ՌԴ ռազմաբազան դուրս բերվի Հայաստանից. «Ժողովուրդ»

«Ժողովուրդ» թերթը գրում է. «Գյումրիում տեղի ունեցած արյունալի դեպքերից հետո հայկական և ռուսական որոշ շրջանակներ սկսեցին քննարկել անգամ ռուսական ռազմաբազան ՀՀ-ից հանելու հարցը: «Ժողովուրդ»-ը ԱՄՆ դեսպանի ժամանակավոր հավատարմատար Ք. Փրայսին հետևյալ հարցն էր ուղղել. «Եթե ՌԴ ռազմաբազան դուրս գա Հայաստանից, դատելով հայ-թուրքական և հայ-ադրբեջանական լարված հարաբերություններից, եթե Հայաստանի Հանրապետությունը պաշտոնապես դիմի ՆԱՏՕ-ին, ապա ՆԱՏՕ-ն պատրա՞ստ է պաշտպանել ՀՀ անվտանգությունը՝ այդ թվում Հայաստանում խաղաղապահ ուժեր տեղակայելով»: ԱՄՆ դեսպանատնից ստացել ենք հետևյալ պատասխանը.

«Հայաստանն արժեքավոր գործընկեր է ՆԱՏՕ-ի համար, և «Գործընկերություն հանուն խաղաղության» նախաձեռնության շրջանակում Հայաստանի ներգրավվածության աստիճանը կախված է ՀՀ Կառավարությունից:

Ներկայումս Դաշինքում Հայաստանի անդամակցության հարց չի քննարկվում, քանի որ Հայաստանի կողմից նման հայտ չի ներկայացվել»: Այլ կերպ ասած՝ պաշտոնապես դիմեք, կքննարկենք»,–գրում է թերթը։

Մանրամասները՝ թերթի այսօրվա համարում։