Սգո օր չհայտարարելու մեջ հերթական անգամ դեր խաղաց ոճրագործի ազգությունը

Այն, որ Գյումրու սպանդի կապակցությամբ սգո օր չհայտարարվեց, հերթական անգամ դեր խաղաց ոճրագործի ազգությունը: Այս մասին լրագրողների հետ հանդիպման ժամանակ ասաց Հովհ. Թումանյանի անվան տիկնիկային թատրոնի տնօրեն Ռուբեն Բաբայանը: Նա զարմանում է` եթե բողոք ունես` ի՞նչ կապ ունի ազգությունը:

«Պատկերացնո՞ւմ եք` եթե ոճրագործն ազգությամբ թուրք կամ ադրբեջանցի լիներ` ինչեր կկատարվեին: Պետք է հասկանալ, որ եթե մենք տարբերություն ենք դնում հանցագործի ազգության միջև` հենց այդկերպ ենք ջուր լցնում հակառուսական ջրաղացին»,- ասաց Բաբայանը:

Ըստ նրա` այնպիսի տպավորություն է, թե մենք ինչ անում ենք, ոչ թե մեր ժողովրդի համար ենք անում, այլ առաջին հերթին մտածում ենք` իսկ ի՞նչ կասեն դրսում: