«Բաշխիչ էլեկտրական ցանցեր» ընկերությունը հերթական անգամ կտուգանվի. «Հայոց աշխարհ»

 «Հայոց աշխարհ»-ը գրում է. «Արտադրող կայաններին և ծառայություններ մատուցած ընկերություններին վճարումներ ժամանակին չկատարելու համար «Բաշխիչ էլեկտրական ցանցեր» ընկերությունը հերթական անգամ կտուգանվի: Էլեկտրաէներգիայի սակագների վերջին բարձրացմանը հաջորդած արդեն երկրորդ ամսում ՀԷՑ–ը չի կարողացել ժամանակին կատարել ստանձած պարտավորությունները:

Հաշվի առնելով ուշացումները և ֆինանսական այլ խնդիրները՝ անցած տարվա նոյեմբերին Հանրային ծառայությունները կարգավորող հանձնաժողովն ընկերության նկատմամբ հարուցել է վարչական վարույթ: Այսօր հրավիրված նիստում հանձնաժողովը պատրաստվում է հերթական անգամ պատժել հէցերին՝պարտավորությունները ժամանակին չկատարելու համար: Նախատեսվում է ընկերությանը տուգանել 10 մլն դրամի չափով:

Դրամական միջոցների շարժի վերաբերյալ կատարված ուսումնասիրության հիման վրա հանձնաժողովի աշխատակազմը հանգել է եզրակացության, որ «սպառված էլեկտրաէներգիայի դիմաց սպառողներից հավաքված գումարներն ամբողջ ծավալով չեն մուտքագրվել ընկերության հատուկ հաշին»:

Թե ո՞ւր են գնացել այդ գումարները, հայտնի չէ»,–գրում է թերթը։

Շարունակությունը՝ թերթի այսօրվա համարում։