Բախտագուշակ Վարսիկի որդին ծեծել է հորն ու մորը և կալանավորվել

Գեղարքունիքի մարզի ընդհանուր իրավասության դատարանի որոշմամբ սկանդալային բախտագուշակ Վարսիկի որդին՝ Սարգիս Հակոբյանը կալանավորվել է:

Ինչպես yerkir.am-ին հայտնեցին ՀՀ քննչական կոմիտեից վերջինիս մեղադրանք է առաջադրվել ՀՀ  ՔՕ  34-185-րդ հոդվածի 1-ին մասի (ուրիշի գույքը դիտավորությամբ ոչնչացնելու կամ վնասելու փորձը) եւ 182-րդ հոդվածի (շորթում) հատկանիշներով:

Նշենք, որ Ս. Հակոբյանը մեղադրվում էր  կնոջը խոշտանգելու մեջ  եւ դեկտեմբերի 22-ին Գեղարքունիքի մարզի ընդհանուր իրավասության դատարանի դատավոր Աղվան Պետրոսյանի վճռով  համաներմամբ ազատ է արձակվել դատարանի դահլիճից։

Սարգիսի կինը՝ Հասմիկ Խաչատրյանը, «Հետքին» պատմել է , որ մոտ 4 օր առաջ նա գնացել է տուն, փող պահանջել մորից, վերջինս չի տվել։ Սարգիսը ծեծել եւ հայհոյել է սեփական հորն ու մորը, այնուհետեւ փորձել հրկիզել տունը։

«Հայրը գոռացել է, ասել թողեք ես դրան խփեմ, պրծնեմ դրանից։ Զանգել են ոստիկանություն, մայրն ասել է տարեք, երեսը չտեսնեմ։ Տարել են, գույքի ոչնչացման, գումարի շորթման հոդվածով քրեական գործ հարուցել»,- պատմել է Հասմիկը։