Ստեփանծմինդա-Լարս ավտոճանապարհն ու Վարդենյաց լեռնանցքը փակ են

Հունվարի 5-ին՝ ժամը 23:00-ի դրությամբ, ուժեղ բքի եւ տեսանելիության բացակայության պատճառով երկկողմանի փակ է Վարդենյաց լեռնանցքը: ՀՀ տրանսպորտի եւ կապի նախարարությունը վարորդներին խորհուրդ է տալիս չօգտվել այդ ճանապարհից: Իրավիճակի փոփոխության դեպքում կտրվի լրացուցիչ տեղեկատվություն:

Ինչպես քիչ առաջ ՀՀ տրանսպորտի եւ կապի նախարարությանը տեղեկացրեցին Վրաստանի ենթակառուցվածքների նախարարության ճանապարհային դեպարտամենտից, բոլոր տեսակի տրանսպորտային միջոցների համար առատ տեղումների պատճառով փակ է նաեւ Ստեփանծմինդա-Լարս ավտոճանապարհը:

Վարորդներին խորհուրդ է տրվում նշված ավտոճանապարհով երթեւեկելուց առաջ նախապես տեղեկանալ եղանակային պայմաններին: