Դոլարի առքի գինը շարունակում է բարձրանալ` մոտենալով վաճառքի գնին

Երկու օրվա ընթացքում առևտրային բանկերում դոլարի առքի գինը 430 դրամից դարձել է արդեն 455 դրամ, միաժամանակ, վաճառքի գինը էական փոփոխությունների չի ենթարկվել, ինչը նշանակում է, որ դոլարը աստիճանաբար կայունանում է: Դոլարի առքի և վաճառքի գների միջև առավելագույն տարբերությունը հասել է 10 դրամի: Սա ևս մեկ անգամ վկայում է այն մասին, որ սպասողական վիճակը ֆինանսական շուկայում աստիճանաբար վերանում է, և պատկերն արդեն հասկանալի է դառնում:

Դրամի արժեւորմանը զուգահեռ արժեւորվում է նաև ռուսական ռուբլին: Ռուսական արժույթի առքի գինը արդեն հասել է 8.5 դրամի` 2 օր առաջվա 6.8 և 7.5 դրամի փոխարեն: Ռուսական արժույթի արժեւորումն էլ, իր հերթին, կապված է նավթի գների որոշակի բարձրացմամբ: Brent տեսակի նավթի մեկ բարելը վերջին 2 օրում թանկացել է մոտավորապես 1 դոլարով` դառնալով 60 դոլար: