Թուրքիայում անգործների թիվն անցնում է 5.5 միլիոնից. զեկույց

Թուրքիայում Հեղափոխական աշխատավորական արհմիությունների կոնֆեդերացիայի գիտահետազոտական ինստիտուտը զեկույց է պատրաստել 2014 թվականին երկրում տիրող գործազրկության վերաբերյալ:

Ըստ Siyasihaber-ի՝ տնտեսության ոլորտում անկումների պատճառով աճում է նաև գործազուրկների թիվը: 2014 թվականի սեպտեմբեր ամսից ի վեր երկրում գործազուրկների թիվն անցել է 5,5 միլիոնից: Ներառված են նաեւ աշխատանք որոնողները, որոնք, թեև ժամանակավոր, համարվում են անգործ:

Իսկ եթե գործազուրկների թվին ավելացնենք իրենց աշխատանքից դժգոհողներին կամ մասնագիտական աշխատանք չգտնելու պատճառով ժամանակավոր այլ աշխատանքով զբաղվողներին, ընդհանուր թիվը կազմում է 6 միլիոն 588 մարդ` 20.8 տոկոս: