Ըստ Նիկոլ Փաշինյանի` հարձակումների հրահանգ տվողը Սերժ Սարգսյանն է

ԱԺ պատգամավոր Նիկոլ Փաշինյանը կարծում է, որ վերջին օրերի բոլոր հարձակումները հրահանգավորվում են անձամբ Սերժ Սարգսյանի կողմից:

Այսօր լրագրողների հետ զրույցում, խոսելով պատգամավոր Արամ Մանուկյանի նկատմամբ բռնության դեպքի և նախորդ` ազատամարտիկների հետ կապված դեպքերի մասին, նա նշեց, որ իր համոզումը կարող է որևէ կերպ հակակշռվել միայն այն դեպքում, եթե բոլոր բռնությունների դեպքերը բացահայտվեն: Նիկոլ Փաշինյանի խոսքով` իշխանություններն ունեն բոլոր լծակները, որ այդ դեպքերը բացահայտվեն:

«Եթե այդ դեպքերը չբացահայտվեն, ուրեմն դրա պատասխանատվությունը կրում է երկրի թիվ առաջին դեմքը, ով ի պաշտոնե պարտավոր է իրացնել Սահմանադրությունը»,- ասաց պատգամավորը: