Կապանում տեղի ունեցած ծեծկռտուքի դեպքի առթիվ քրեական գործ է հարուցվել

Արդեն հայտնել ենք, որ դեկտեմբերի 9-ին Կապան քաղաքի Ձորք թաղամասում ծեծկռտուք է տեղի ունեցել, ինչի հետևանքով գլխի շրջանում ստացած վնասվածքներով 1956 թ. ծնված Գեղամ Բարխուդարյանը տեղափոխվել է հիվանդանոց:

Այսօր yerkir.am-ը ՀՀ քննչական կոմիտեից տեղեկացավ, որ դեպքի առթիվ Սյունիքի մարզային քննչական բաժնում հարուցվել է քրեական գործ` ՀՀ Քրեական օրենսգրքի 112-րդ հոդվածի 1-ին մասի (դիտավորությամբ առողջությանը ծանր վնաս պատճառելը) հատկանիշներով:

Նախաքննության ընթացքում պարզվել է, որ առերևույթ հանցագործությունը կատարել է 1980 թ. ծնված Գևորգ Ն-ն: Միջոցներ են ձեռնարկվում նրան հայտնաբերելու և քննչական մարմնին ներկայացնելու ուղղությամբ: Նշանակվել է դատաբժշկական փորձաքննություն, նախաքննությունը շարունակվում է: