Ոստիկանի աֆրոամերիկացի նոր զոհ` ԱՄՆ-ում

ԱՄՆ Արիզոնա նահանգում սեւամորթ ամերիկացու սպանության հերթական դեպք է գրանցվել. հայտնում է РИА Новости-ն:

Ըստ ոստիկանության վարկածի` թմրանյութերի անօրինական վաճառքի գործով զբաղվող ոստիկանը հանցագործության մեջ կասկածել է 34-ամյա Ռումեն Բրիսբոնին եւ, երբ ցանկացել է նրան ձերբակալել, Բրիսբոնը դիմադրություն է ցույց տվել ու ձեռքը տարել դեպի գրպանը: Վախենալով, որ տղամարդը ցանկանում է զենք հանել գրպանից, ոստիկանը հարվածել է նրան, ապա երկու անգամ կրակել կրծքին: Բրիսբոնը տեղում մահացել է: Ավելի ուշ պարզվել է, որ նա անզեն է եղել:

Հիշեցնենք, որ ԱՄՆ-ում բողոքի ակցիաներ են տեղի ունենում` նման դեպքերի հետ կապված: Օգոստոսին սպիտակամորթ ոստիկանը սպանել էր սեւամորթ անչափահասի: Վերջերս էլ ոստիկանը խեղդել էր սեւամորթ Էրիկ Գարներին: Մարդիկ բողոքում են արդարադատության դեմ, քանի որ ոստիկանները արդարացվել են: