Գրոզնիում գրոհայինների ոչնչացման գործողություն է իրականացվում

Երեկ ուշ երեկոյան Չեչնիայի մայրաքաղաք Գրոզնիի կենտրոնում ուժեղ պայթյուն է որոտացել, որից հետո փոխհրաձգություն է սկսվել: Քաղաքի Տպագրության տուն կոչվող շենքը, որը գրավել են գրոհայինները, հրդեհվել է: Գիշերը սկսվել է գրոհայինների ոչնչացման գործողությունը, որի ընթացքում վիրավորվել է 21 մարդ, 4-ը զոհվել են. տեղեկացնում է ТАСС-ը` վկայակոչելով առողջապահության նախարարության աղբյուր: Գործակալության զրուցակիցը դժավարացել է ասել` արդյո՞ք վիրավորների թվում կան քաղաքացիական անձինք կամ գործողության մասանկիցներ:

Տպագրության տանը դիրքավորված գրոհայինները մի քանի ժամ առաջ  ոչնչացվել են: Այժմ միջոցներ են ձեռնարկվում քաղաքի դպրոցներից մեկը գրաված գրոհայիններին չեզոքացնելու ուղղությամբ: