«Փյունիկ»-ը հաղթեց «Ուլիս»-ին. Սեզար Ռոմերոն շարունակում է արդյունավետությունը

Ֆուտբոլի Հայաստանի Բարձրագույն խմբի առաջնության 15-րդ տուրի կենտրոնական խաղում «Փյունիկ»-ը սեփական հարկի տակ մրցեց առաջատար «Ուլիս»-ի հետ: 26-րդ րոպեին Գագիկ Պողոսյանը առաջ մղեց տանտերերին: 38-րդ րոպեին հաշիվը կրկնապատկեց ընթացիկ առաջնության լավագույն ռմբարկու Սեզար Ռոմերոն, իսկ 82-րդ րոպեին մեքսիկացի ֆուտբոլիստը խփեց իր 2-րդ գնդակն այս խաղում, և 16-րդն ընթացիկ առաջնությունում:     «Փյունիկ»-ը հաղթեց 3:0 հաշվով և առաջատարի նկատմամբ միավորների տարբերությունը հասցրեց նվազագույնի:

Տուրի մյուս 2 հանդիպումները տեղի կունենան վաղը:  «Ալաշկերտ»-ը սեփական հարկի տակ կմրցի «Արարատ»-ի, «Շիրակ»-ը՝ «Բանանց»-ի հետ: