Հարսը գորգով հարվածել է սկեսուրի գլխին

Ընտանեկան հերթական անհաշտությունն է տեղի ունեցել Երևանում. գրում է «Փաստինֆո»-ն:

Վիճաբանությունը տեղի է ունեցել Հովակիմյանների ընտանիքում` սկեսուրի ու հարսի միջև, դրանում, կամա, թե ակամա, ներգրավվել է նաև առաջինի թոռնուհին և երկրորդի դուստրը:

«Ըստ սկեսուրի վարկածի՝ հարսը գորգով հարվածել է իր գլխին, հարսն էլ բողոքել է, թե սկեսուրը ճանկռել է իր ձեռքը, իսկ վերջինս հարվածել դստերը՝ պատճառելով ֆիզիկական ցավ: Դեպքի մասին տնից երկու ահազանգ է եղել ոստիկանություն. ահազանգած տղամարդը հայտնել է, որ տանը ծանր վիճաբանություն է տեղի ունենում, մոտ մեկ ժամ անց ահազանգած հարսն իր հերթին հայտնել է, որ տան անդամներն իրեն անհանգստացնում են: Զանգ է ստացվել նաև շտապօգնություն, ըստ որի՝ 63-ամյա կինը, հնարավոր է, ստացել է գլխուղեղի ցնցում»,- տեղեկանում ենք կայքից:

Մանրամասն՝ սկզբնաղբյուրում: