Ո՞ր դատապարտյալները կտեղափոխվեն «եվրոպական չափանիշներին համապատասխան» քրեակատարողական հիմնարկ

Այսօր ՀՀ նախագահ Սերժ Սարգսյանը, ԱՄՆ դեսպան Ջոն Հեֆերնը և մի շարք այլ բարձրաստիճան պաշտոնյաներ մասնակցել են «Արմավիր» քրեակատարողական հիմնարկի բարցմանը:

Լրագրողների հետ ճեպազրույցում ՀՀ արդարադատության նախարար Հովհաննես Մանուկյանը նշեց, որ քրեակատարողական հիմնարկի առաջին մասնաշենքի շահագործումը հնարավորություն կտա թեթևացնելու քրեակատարողական հիմնարկներում գերբեռնվածության խնդիրը՝  գերբեռնված հիմնարկներից 400 դատապարտյալ տեղափոխելով «Արմավիր»:

Նախարարը նշեց, որ հիմնարկն ամբողջությամբ համապաստախանում է եվրոպական չափանիշներին:

Yerkir.am-ի հարցին, թե ի՞նչ սկզբունքով են ընտրվելու այն 400 դատապարտյալները, որոնք  կտեղափոխվեն «Արմավիր» ՔԿՀ, նախարարը պատասխանեց, որ դա կորոշի ՔԿՀ վարչության ղեկավարությունը՝ հաշվի առնելով առանձին քրեակատարողական հիմնարկների ծանրաբեռնվածությունը: