Աշխատանքի օրինականացումը Մոսկվայում կարժենա տարեկան 90.000 ռուբլի

2015-ի հունվարի 1-ից Ռուսաստանի հետ վիզային ռեժիմ չունեցող երկրներից աշխատողները կկարողանան Մոսկվայում աշխատել կոնկրետ վճարումների դիմաց: Համապատասխան օրենք է ընդունել Մոսկվայի քաղաքային դուման. գրում է Коммерсантъ-ը:

Ըստ պարբերականի՝ այսուհետ ներգաղթյալի աշխատանքի օրինականացումը Մոսկվայում տարեկան կարժենա 90.000 ռուբլի: Ներգաղթյալը պարտավորված կլինի ամսական վճարել 4.000 ռուբլի: Միաժամանակ, նրանք ռուսերենի քննություն կհանձնեն, նաև կգնեն իրենց բուժապահովագրությունը:

Քաղաքի իշխանությունները հուսով են, որ նոր կարգը կօգնի օրինականացնել ներգաղթյալներին և մայրաքաղաքի բյուջե կբերի 12 մլրդ ռուբլի։