Սերգեյ Նիգոյանի ծնողները պատմում են առանց որդու իրենց կյանքի մասին (ՏԵՍԱՆՅՈՒԹ)

Ուկրաինական Բերեզնովատովկա գյուղում մեծացած հայ Սերգեյ Նիգոյանին վիճակված էր դառնալ Մայդանի առաջին զոհը. գրում է Обозреватель-ը։

2014-ի հունվարի 22-ի առավոտյան Եվրամայդանի 20-ամյա ակտիվիստ Սերգեյը զոհվեց դիպուկահարի փամփուշտից Կիևի Գրուշչևսկու փողոցում։

«Մարդիկ ամբողջ աշխարհից մինչ օրս զանգահարում են, աջակցում։ Պարզապես ասում են՝ շնորհակալություն ձեզ ձեր որդու համար»,- պատմել է Սերգեյի հայրը՝ Գարեգին Նիգոյանը։

Սերգեյի ծնողները լուռ և համեստ մարդիկ են, դեռ չեն կարողանում համակերպվել այդ ողբերգական փառքի  հետ։ Հուլիսին գյուղում կանգնեցվել է Սերգեյի արձանը, իսկ գարնանը նրա դպրոցի պատին հուշատախտակ է փակցվել։

Սերգեյի հայրը պատմում է, որ Եվրամայդանի տարելիցին իրեն կնոջ հետ հրավիրել են Կիև, սակայն իրենք որոշել են չգնալ։ Ասում է, որ որդու մահից հետո մի քանի անգամ եղել է մայրաքաղաքում։ Եվ ամեն անգամ անծանոթ մարդիկ մոտեցել են և շնորհակալություն հայտնել նրանց նման որդու համար։  Գարեգինը չի ցանկանում իրեն և կնոջը կրկին ծանր հիշողությունների մեջ գցել...